नमस्कार, मी शाम देशपांडे… लहानपणापासूनचे देशप्रेमाचे संस्कार आणि राष्ट्रभक्तीचा ज्वलंत वारसा आणि विचारांचा वसा घेऊन मी राजकारणात आलो. राष्ट्रीय स्वयंसेवक संघाचा स्वयंसेवक असल्यामुळे लहानपणापासून हिंदुत्वाच्या विचारांशी जोडला गेलो, तो आजतागायत एकाच विचारांवर नितांत श्रद्धा ठेऊन माझी वाटचाल सुरू आहे. देशप्रेमाच्या भावनेतून ‘हैदराबाद मुक्ती संग्रामात’ सहभागी झालेल्या, आणि सरकारची पेन्शन नाकारणाऱ्या ‘स्वातंत्र्यसैनिक प्रभाकर वामन देशपांडे’ ह्यांचे, अर्थातच माझ्या वडीलांचे ‘राष्ट्र प्रथम’ चे सखोल संस्कार माझ्यावर झाले आहेत. त्यामुळेच ‘मी आजवर कधीच भ्रष्टाचार आणि गैरवर्तन केलेले नाही आणि ह्या पुढे देखील करणार नाही!’ असं छातीठोकपणे सांगू शकतो. कार्यकर्त्यांना जपण्याची आणि त्यांना माझ्याबरोबरच पुढे घेऊन जाण्याची वृत्ती माझ्यामध्ये निर्माण झाली त्यामागेही हेच संस्कार आहेत.