कोथरुडकरांच्या आशीवादामुळे मला आणि माझ्या पत्नीला कोथरुड भागातून लोकप्रतिनिधी म्हणून काम करण्याची संधी मिळाली. बदलत्या कोथरुडचा विकास करत असतानाच मी स्वतःलाही अपडेट आणि अपग्रेड करीत होतो. बी. कॉम. झाल्यानंतर नगरसेवक असताना स्वतःला अपडेट ठेवत ‘मास्टर ऑफ पर्सनल मॅनेटमेंट’ची पदवी प्राप्त केली. शिकत राहण्याची प्रक्रिया आजही निरंतर सुरू असून, आता मी पीएच. डी. मिळविण्यासाठी प्रयत्न करीत आहे. डॉक्टरेटच्या प्रबंधासाठी मी’ अस्तित्वातील कायदे आणि त्यांच्या अंमलबजावणीतील त्रुटी’ हा विषय निवडला आहे. आपण ज्या क्षेत्रात कार्यरत आहोत, त्याचा अगदी सखोल अभ्यास करता येणं शक्य आहे, आणि त्यानुसार योग्य प्रकारे प्रगती करणे ही आजच्या काळाची गरज आहे. यावर माझा ठाम विश्वास आहे.

माझ्या संपूर्ण कारकिदीत, कुठलाही निर्णय घेताना, माझा दृष्टीकोन हा नेहमी नाविन्यपूर्ण आणि शाश्वत कामाचा राहिला आहे. ह्या पूर्वी नगरसेवक म्हणून काम करताना रस्ते, वीज, पाणी, ड्रेनेज आणि अन्य नागरी सुविधा योग्य प्रकारे लोकांपर्यंत पोहोचवल्या. पण त्यात अडकून पडलो नाही. एक सामान्य नागरिक म्हणून, आपल्या प्रभागाचे नेतृत्व म्हणून, प्रत्येक विकास कामांना वेगळ्या टप्प्यावर नेण्याचा प्रयत्न केला. प्रभागात विकासाची कामे करीत असताना त्यात लोकसहभाग वाढवला. ह्या संपूर्ण प्रवासात, कुठलाही निर्णय घेण्यापूवी, निर्णय राबवताना शाश्वत विकासावर माझा भर राहिला. एकच काम पुन्हा करावे लागू नयेत, अशा पद्धतीने विकासकामे केली.

नगरसेवक म्हणून कार्य करत असताना पुण्यात UTWT तंत्रज्ञान (Ultra-Thin White Topping) युक्त रस्ते असणारा संपूर्ण वॉर्ड प्रथम मी तयार केला. त्या निर्णयाची यशस्वी अंमलबजावणी केल्या नंतर मग पुण्यात सर्वत्र तसे रस्ते निर्माण होऊ लागले. डहाणूकर कॉलनीत तयार केलेल्या रस्त्याला गेल्या १७ वर्षांपासून हात लावावा लागलेला नाही, व खड्डेमुक्त रस्ते झालेत. शिवाय जागोजागी पाणी साचण्याच्या तक्रारीला वावच राहिलेला नाही.